Descripción

Talleres de estampación artesanal: Serigrafía a 1 cor

Name: Taller de Serigrafía a 1 cor para 2 persoas
SKU: Taller-serigrafia-1
Price: 120.00 EUR
Availability: InStock

O que máis nos gusta facer no taller é serigrafiar. Unha pasión, unha tradición e unha arte que queremos compartir neste curso de 3 horas con vós.

A serigrafía é unha técnica de estampación milenaria provinte da cultura oriental, que se pode empregar sobre diferentes materiais e con diversas tintas (no noso caso tintas de base auga). Para adentrarnos no maravilloso mundo da serigrafía estamparemos só a unha cor para aprender moi ben as nocións básicas! Descubriredes os procesos desta técnica e o acabar poderedes levarvos unha peza en téxtil e outra en papel estampadas das que estaredes orgullosos e que serán o resultado da vosa creatividade.

Qué aprenderemos:

Coñeceremos o taller e os materiais.
Familiarizarémonos con términos como fotolito, emulsión, pantalla, insolar, revelar, secar, endurecer, racleta, raedera, etc…
Prepararedes o deseño e imprimiremos o fotolito que ides a empregar.
Aprenderedes a levar a cabo o proceso de emulsionado, insolado e revelado de unha pantalla.
Elexiredes os 2 soportes sobre os que imos a serigrafiar (lámina de papel e soporte téxtil) e a cor que queredes empregar.
Realizaredes o rexistro do fotolito coa pantalla e estamparedes.
Darémosvos uns consellos para a conservación dos materiais que usaredes para estampar e para facer un correcto curado das tintas.

Duración: Desfrutaremos de 3 horas para aprender todos os pasos necesarios para reproducir o voso deseño.

Materiais incluidos:

Todos os que fagan falta para reproducir o voso deseño. Levarédesvos a casa a vosa obra. Tamén podedes traervos algún téxtil e/ou papel que queirades estampar (recomendamos que sexan soportes en fibras naturais para mellor fixación). Todos os nosos materiais teñen a etiqueta de ecolóxico ou reciclado e fairtrade.